വളർത്തുന്ന മനശാസ്ത്രം എന്നറിയപ്പെടുന്ന T C I യുടെ (Theme centered Interaction)  ആവിഷ്കാരത്തിന് വേണ്ടി സ്ഥാപിച്ചിട്ടുള്ള ഒരു സംഘടനയാണ് Butterfly Foundation. 2018 ലായിരുന്നു തുടക്കം. “ശലഭ പരിണാമം പോലെ മാനവ പരിണാമം” ഇതാണ് മുദ്രാവാക്യം. ഒരു പുഴുവിനു ശലഭം ആകാമെങ്കിൽ മനുഷ്യരാശിക്ക് തന്നെ എന്തുകൊണ്ട് ശലഭമായി കൂടാ എന്ന് ഫൗണ്ടേഷൻ ചോദിക്കുന്നു. നവസമൂഹ രചനയെ ലക്ഷ്യമാക്കി പ്രവർത്തിക്കുന്നു. ബട്ടർഫ്‌ളൈ ഫൗണ്ടേഷനിലെ മുൻനിര പ്രവർത്തകരെല്ലാം കോട്ടയം മഹാത്മാഗാന്ധി യൂണിവേഴ്സിറ്റിയിൽ TCI പഠനം പൂർത്തിയാക്കിയവരാണ്. സമൂഹത്തിനെ  പുഴുപ്രവണതകളിൽ നിന്നും മോചിപ്പിച്ച്‌ ശലഭ പ്രവണതകളിലേക്ക് നയിക്കുവാൻ സഹായകരമായ സൈക്കോ സോഷ്യൽ ഇടപെടലുകൾ നടത്തുന്ന ഇവരെ ബട്ടർഫ്ലൈ ഫസിലിറ്റേറ്റർമാർ എന്ന് വിളിക്കുന്നു.